Valahnúksmöl

About Valahnúksmöl

„Valahnúksmöl er 420 m langur og 80 m breiður stórgrýttur sjávarkampur (-kambur) úr vel núnum hnullungum, mestmegnis á bilinu 1-3 fet í þvermál. Hann liggur þvert um sigdæld, eða sigdal, sem markast af Valahnúk í norðri og Valbjargagjá í suðri. Þegar hásjávað er myndast lítið lón innan við kampinn.“ Þar er frumstæð sundlaug, gerð af vitaverði í Reykjanesvita á 3. áratug síðustu aldar, einungis nothæf á flóði en með aðfallinu streymir sjór um sprungur inn í lónið og hitnar. „Aðgengi er gott að Valahnúksmöl en þangað er best að ganga frá Valahnúk. Einnig er gott útsýni yfir hana ofan af hnúknum.“