Ketilsstaðaklettar

About Ketilsstaðaklettar

„Ketilsstaðaklettar eru mikil þyrping af klettaborgum, innan og ofan við bæ á Ketilsstöðum. Klettarnir minna á völundarhús þeir eru alsettir stórum og smáum básum og skvompum á milli hrauka og hryggja, og víða eru bergbríkur (gangar) og gjár, allháir klettaveggir og nokkrir hellisskútar. (...) Stekkjarlækur, fellur niður í gegnum þá utantil, og innan og ofan við þá er Geithúsalækur með háum flúðfossi. Austan í klettana ganga skeifulaga hvammar, með mýrlendi og tjörnum, en á milli þeirra eru mjóir hryggir sem heita Tangar. Gróður er fjölbreyttur og þar finnast fágætar plöntur, svo sem liðfætla og skjaldburkni. Auðvelt er að ganga um klettana og þeir eru skemmtilegt útivistarland.“ (1) Skráðar athugasemdir: Staðurinn er viðkvæmur, viðkvæmur gróður og fágæt flóra. (2)