Hraunsvík

About Hraunsvík

„Við Hraunsvík er vinsæll áningarstaður ferðamanna og hér áður var Hraunssandur vinsæll sólbaðsstaður þegar leiðin niður á sandinn var greiðfær. Mikill fjöldi varnarliðsmanna kom oft á sandinn og kölluðu þeir staðinn „black beach“. Í kjölfar jarðskjálfta og breytinga á sandinum er nú ógreiðfært niður á sandinn og varasamt. Í víkinni má sjá fjölskrúðugt fuglalíf og er þar eini staðurinn á Reykjanesi þar sem hægt er að sjá lunda, en hann verpir í gróðurtorfum sem eru í Festarfjalli“ (1). Fjaran í Hraunsvík, ásamt kríuvarpi á Hraunssandi, og suðurhluti Festarfjalls eru á náttúruminjaskrá Suðvesturlands. Um er að ræða sjávarhamra og brimrofna eldstöð, ásamt fjölbreyttu sjávarlífi (2).