Grjótgarðurinn í Hjarðarhaga

About Grjótgarðurinn í Hjarðarhaga

Skemmtileg ganga er upp með Sauðá á Jökuldal í landi Hjarðarhaga og upp að manngerðum hlöðnum grjótgarði, um þriggja kílómetra löngum, sem er vel sýnilegur. Þetta eru merkar fornminjar, þó ekki sé vitað til hvers þær voru notaðar, en talið er að garðurinn hafi verið aðhald fyrir kindur eða jafnvel svín (1,2). Grjótgarðurinn er ein af „Perlum Fljótsdalshéraðs“ og þar er hólkur sem inniheldur upplýsingar um staðinn, gestabók og stimpil (3). Fallegir fossar eru í Sauðá á gönguleiðinni þeir Sitjandi, Klettsfoss og Urðarfoss (4).