Gerðisklettur - gönguleið

About Gerðisklettur - gönguleið

„Gerðisklettur er í Gerðisöxl, utan- og neðantil í Öxlum. Austan í honum í seilingarhæð er kringlótt gat, um það bil spannarvítt, umkringt ljósleitum skófum, og opnast inn í holrúm í berginu. Gatið í Gerðiskletti líkist skjáglugga eru sagnir um að það sé gluggi á húsi huldufólks, og því þótti vissast að fara þar með gát og gat varðað slysum ef þess var ekki gætt. Neðan við klettinn eru tættur af beitarhúsum sem heita Gerði“ (1). Ómerkt gönguleið liggur að klettunum frá þjóðvegi skammt norðan við Surtsstaði í Jökulsárhlíð. Gengið er yfir móa, sem geta verið blautir, og tekur 0,5 klst (2).