Fuglafriðland í Flóa

About Fuglafriðland í Flóa

„Mjög áhugaverður staður sem svíkur engan fuglaskoðara“ (1). „Um 70 fuglategundir hafa sést í Friðlandinu en nærri 25 tegundir verpa þar að staðaldri. Votlendisfuglar einkenna svæðið og eru bein tengsl við nálæg fuglarík svæði eins og fjöruna, Ölfusárós og Ölfusforir. Fuglalífið er sérstaklega auðugt og tegundaríkt á varptíma.“ Á veturna ber mest á fuglum á Ölfusárós. Dæmi um tegundir eru andfuglar eins og álft, grágæs, stokkönd, rauðhöfðaönd, urtönd, duggönd, skúfönd og toppönd, einnig grafönd, gargendur og skeiðendur. Lómur verpur víða við tjarnir og telst hann einkennisfugl Friðlandsins. Aðrar tegundir sem sést til eru æður, kríur, brandugla, lóuþræll, spói, jaðrakan, hrossagaukur, óðinshani, þúfutittlingur, heiðlóa og tjaldur (2). Skráðar athugasemdir: Staðurinn er viðkvæmur og vantar umsjón með honum. Dæmi eru um að hópar hafi tjaldað innan friðlandsins, ekki mjög langt frá bílastæðinu, sem er stranglega bannað. Svæðið þolir ekki slíkan ágang, þar eru engin salerni o.þ.h. (3)