Friðland í Svarfaðardal

About Friðland í Svarfaðardal

Friðland Svarfdæla var stofnað árið 1972. Það nær yfir votlendissvæði beggja vegna Svarfaðardalsár neðan frá sjó fram að Húsabakka. „Á þessu víðáttumikla landflæmi skiptast á þurrir árbakkar og blautar mýrar með stararflóum, síkjum og gróðursælum seftjörnum. Þetta náttúrufar skapar kjörlendi fyrir fjölmargar fuglategundir sem eiga hér varplönd sín“ (1). Staðurinn er sérlega skemmtilegur fyrir fugla- og blómaskoðun. Þar eru merktar gönguleiðir, skilti með upplýsingum um fugla og fuglaskoðunarhús. „Best er að koma að Friðlandinu frá Húsabakka í Svarfaðardal eða frá Olís á Dalvík. Yfir viðkvæmasta varptímann eru allir beðnir um að fara með gát og bera virðingu fyrir því viðkvæma ástandi sem þá skapast“ (2). Skráðar athugasemdir: Á svæðinu er viðkvæmt fuglalíf og mikið varpland sem þarf að sýna nærgætni en gönguleiðir frá Húsabakka eru vel skipulagðar. (3)