Barmahlíð - gönguleið

About Barmahlíð - gönguleið

Merktar gönguleiðir eru víða í skóginum en bílastæði eru á tveimur stöðum. Annarsvegar vestan megin við skóginn og hinsvegar við stóru grenitrén (1) sem eru þau hæstu á Vestfjörðum (2). „Hægt er að ganga upp með tærum læk alla leið upp að fallegum fossi. Einnig er tilvalið að ganga niður með læknum og niður í fjöruna en þar er lítill foss og sérkennilegar klappir og steinar. Útsýnið yfir Borgarlandið og Bjartmarsstein er engu líkt á fallegum sumardegi og í bakgrunninum skartar Skarðsströndin sínu fegursta.“ Mikið fuglalíf er í skóginum og vitað er til að branduglur hafi verpt þar (1). Gönguleið um skóginn er 3,5 km löng og tekur um 1,5 klst að ganga hana (2).