Tungufellsdalur - Hlíð - Rekstrarleið

About

About Tungufellsdalur - Hlíð - Rekstrarleið

Hægt er að ganga frá Kjöl og niður með Dalsá en í henni er Kerlingarfoss. Þar má sjá steyptan stíflugarð frá 1946 frá virkjunarframkvæmdum sem kláruðust aldrei. „Fossinn dregur nafn sitt af tröllkerlingu sem veiddi fisk við fossinn. Á 14. öld fórust tvær systur í fossinum. Munnmæli herma að systurnar birtist stundum í barnahópi og taki þátt í leikjum, en hverfi síðan í fossinn aftur. Gengið er áfram niður með ánni þar til hún snarbeygir til vesturs og þar er farið yfir hana á svokölluðu Skógarvaði. Restin af leiðinni er í Hlíðarlandi þar sem Fjalla-Eyvindur fæddist. Leiðin endar við þjóðveginn þar sem brýrnar yfir Dalsá og Fossá eru. Leiðin er stikuð.“ Leiðin er 4,3 km og tekur gangan, sem er auðveld, 1-2 klst.

Location

📍 Location