Urriðavatn

About Urriðavatn

Urriðavatn hét áður Urriðakotsvatn, það „liggur milli Setbergsholts og Urriðaholts og er um 13 ha að stærð. Austan við vatnið er eyðibýlið Urriðakot með leifum gamalla túna. Sunnan við vatnið er allstórt votlendi. Á Hrauntanga við norðanvert vatnið er mólendisgróður og kjarr. Í vatnið fellur Oddsmýrarlækur að sunnan, en útfall vatnsins er í Stórakrókslæk“ (1). Urriðavatn er mikilvægt svæði fyrir fugla og þá sérstaklega vegna tengsla við þéttbýlið á Innnesjum. Helstu tegundir sem finnast eru hrossagaukur, mávar, þúfutittlingur og lóuþræll (2). Flórgoði hefur verpt í votlendi við vatnið öðru hvoru en hann bindur flothreiður sitt við sef. „Vatnið og svæðið umhverfis það njóta bæjarverndar vegna lífríkis og útivistargildis.“ (3)