Papatóft

About Papatóft

Papatóft, öðru nafni papatóftir, er við Írskahól á austanverðri Papey. Hún var friðlýst skv. lögum um menningarminjar árið 1931 (1). Papaörnefni eru áberandi á eyjaklösum í Norður-Atlantshafi en þar bjuggu Írar, fyrstu landkönnuðir Vesturlanda á úthafinu. „Ari fróði Þorgilsson segir í Íslendingabók (um 1122-1133) að írskir menn kristnir, „þeir er Norðmenn kalla papa“, hafi verið á Íslandi þegar norrænir menn komu hingað til fastrar búsetu, en þeir hafi flúið, „af því að þeir vildu eigi vera hér við heiðna menn“. Nokkur örnefni eru til marks um vist þeirra, og í eynni sjálfri t.a.m. Írskuhólar og Papatóft(ir)/Papatættur“ (2). Nákvæm staðsetning Papatóftar er ókunn.