Merkihvolsskógur

About Merkihvolsskógur

Merkihvolsskógur er gamall skógur á bökkum Rangár sem var hluti hinna fornu Landskóga. Jarðvegsrof hefur verið viðvarandi á svæðinu alla tíð og eru til frásagnir frá árinu 1700 þar sem sandur úr Þjórsá er farinn að herja á svæði austan hennar, þ.m.t. Landskóga. Var annar tveggja rofgeira þá búinn að brjóta sér leið „fram í skarðið milli Búrfells og Sauðafells og í gegnum Merkihvolsskóg“ (1). Merkihvolsskógur og árbakki Ytri Rangár njóta hverfisverndar skv. aðalskipulagi. Þar er fallegt náttúrulegt skóglendi og einnig mikið og fjölbreytt fuglalíf, einkum mófuglar. Svæðið er í eigu og umsjá Rangárþings ytra (2).