Lambanes

About Lambanes

Lambanes liggur að Sauðaneslóni á Langanesi. Sauðaneslón, ásamt ósi, eru á náttúruminjaskrá Norðausturlands og er strandlengjan frá Litlanesi að Lambanesi einnig innan þess svæðis (1). Við Lambanes er búið er að koma upp fuglaskýli og þaðan sést vel yfir fjöruna sem er vel nýtt af vaðfuglum frá vori fram á haust. Þar finnast nánast allar vaðfuglategundir sem verpa á Íslandi og auk þess koma umferðarfuglar við. Af öðrum fuglum er helst að nefna æðarfugl á sjónum en auk þess eru máfar og kríur algengar. Ef rýnt er lengra út á hafið er möguleiki á að sjá fugla eins og súlu, dílaskarf og himbrima (2).