Jórvíkurskarð - gönguleið

About Jórvíkurskarð - gönguleið

Gönguleiðin liggur milli Jórvíkur í Suðurdal og Engihlíðar í Norðurdal og tekur u.þ.b. 1 klst. Hæst liggur hún í 426 metra hæð. Farið er upp fyrir utan Jórvíkurá og gengið skáhalt út og upp melana með stefnu á skarðið. Við veginn á skarðinu er stór steinn, sem Andrésarsteinn heitir, en sagan segir að maður Andrés að nafni hafi orðið úti á skarðinu og fundist sitjandi upp við steininn, undan veðri. Niður í Norðurdal er farið með Skarðsá eins og leið liggur að Engihlíð (1). Þægileg leið og gott útsýni yfir dalina. Hækkun á meðan á göngunni stendur er 300 metrar (2).