Hólmanes

About Hólmanes

Hólmanes var friðlýst bæði sem friðland og fólkvangur árið 1973 en stærð svæðisins er 318 ha (1). Hólmanes teygir sig til suðausturs frá Hólmatind og er „að mestu klettótt en norðan á nesinu er þó nokkurt sléttlendi. Utan til á nesinu eru víða hamrar í sjó fram en innar malar- og þangfjörur.“ Á svæðinu vaxa einkennisjurtir Austfjarða, m.a. Klettafrú, sjöstjarna, gullsteinbrjótur, maríuvöttur og bláklukka, en ríflega 150 tegundir hafa verið skráðar innan marka fólkvangsins. „Sjófuglar setja mestan svip á fuglalífið en í fjörum og móum vappa vaðfuglar og mófuglar. Endur og gæsir sjást í Hólmunum og sjónum þar um kring“ (2).