Eyjabakkar

About Eyjabakkar

Eyjabakkar eru staðsettir skammt frá Snæfelli. Um er að ræða einstaka gróðurvin á hálendinu þar sem er að finna mikið heiðagæsavarp en talið er að um 7000 pör verpi þar á hverju ári. „Náttúrufegurð er mikil, ekki síst við sporð samnefnds jökuls, og þar er að finna eitt fjölbreyttasta gróðursvæði hálendisins. Austurbakkarnir eru þurrir og þægilegir yfirferðar“ (1). Eyjabakkasvæðið komst árið 2013 á skrá Ramsarsáttmálans yfir alþjóðlega merk votlendissvæði (2). Skráðar athugasemdir: Eyjabakkar eru í dag samnefnari yfir Snæfellsnes, Eyjabakka og Þóriseyjar s.s. svæði bæði austan og vestan Jökulsár í Fljótsdal. Austan Jökulsár í Fljótsdal er akfært með breyttum jeppa áleiðis að Eyjabökkum meðfram Kelduárlóni að Eyjakofa (Bergkvíslarkofa). Vestan Jökulsár í Fljótsdal er akfært að Eyjabakkafossi (við gamalt vað á Jökulsá í Fljótsdal). Þar skipuleggur Vatnajökulsþjóðgarður áningastað með upplýsingum um Ramsarsvæðið. Auk þess er akslóð út á Snæfellsnes (500 m)þar sem er bílastæði og gönguleið upp að Sótaleiði. (3) Staðurinn er viðkvæmur, viðkvæmur gróður, votlendi og mosi. (4)