Áskirkja

About Áskirkja

„Áskirkja var helguð Maríu guðsmóður í kaþólskum sið. Talið er líklegt, að þarna hafi verið kirkja frá upphafi kristni. Páll biskup Jónsson getur kirkju í Ási í kirknatali sínu frá því um 1200. Ás hélst í bændaeign til 1662. Þá keypti Brynjólfur biskup Sveinsson jörðina og ánafnaði hana kirkjunni. Prestar sátu jörðina eftir það í rúmlega tvær aldir (1669-1884). Ásprestakall var lagt niður 1883 og sóknin lögð til Valþjófsstaðar. Núverandi kirkja, sem er timburkirkja, var reist 1898“ (1). Áskirkja er timburhús og var friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989 (2).