Arnarvatn/Skálamór - Heiðarbýlin í göngufæri

About Arnarvatn/Skálamór - Heiðarbýlin í göngufæri

„Arnarvatn (420 m) stendur í stórri kvos sem nefnist Brunahvammskvos. Yst í kvosinni er samnefnt vatn.“ Arnarvatn byggðist 1867. „Fyrrum var Arnarvatn í alfararleið frá Möðrudal og norðanverðri Jökuldalsheiði til Vopnafjarðar.“ Hægt er að ganga að Arnarvatni frá þjóðvegi 85 annað hvort frá Kálffelli og þá þarf að vaða, eða frá stíflu sem er við útfall vatnsins. Hægt er að aka að stíflunni og alveg heim að bæ. „Á Arnarvatni stendur gangamannakofi sem smalar í Haukastaðaheiði nýta. Arnarvatn fór í eyði 1935.“ Arnarvatn er eitt af 22 heiðarbýlum á Jökuldalsheiðinni og heiðunum þar í kring. Uppi eru áform um að byggja upp menningartengda ferðaþjónustu með því að tengja saman heiðarbýlin með gönguleiðum. Hjá hverju býli verða upplýsingar um býlið, ábúendur og sögur.